अरुण तिकटे___दोन गझला

1.

भावप्रीतीचा झरा तू

जीवनाचा आसरा तू

वेदना या दूर पळती

हासणारा चेहरा तू

तनमन तुझे...क्षणक्षण तुझे...

आठवांचा उंबरा तू

काळजात धडधडणारा

काळजाचा कोपरा तू

काय आता पाहिजे मज?

जीवन दिले ईश्वरा तू

2.

सोबतीला तुझे चालणे आवडे

बोलताना तुला ऐकणे आवडे

तू असावी पुढे वाटते पण खरे

नजर चोरूनही पाहणे आवडे

बहरते तू जशी...मोहरून फुलते

हाय मज हे तुझे लाजणे आवडे

आठवोनी तुझी लाघवी आठवण

काळजाला अता छेडणे आवडे

____________________________