श्रीकांत विजय चवरे___दोन गझला

1.

चला वेदनांची करू मोजणी 

चला यातनांची करू मोजणी 

तुझ्या आठवांच्यासवे स्फुंदल्या

अशा स्पंदनांची करू मोजणी 

ख-या कोणत्या आणि खोट्या किती

तुझ्या घोषनांची करू मोजणी 

किती मुक्तले कुंभमेळ्यातुनी ?

अशा पावनांची करू मोजणी 

अपू-याच माझ्या उरी राहिल्या ,

जुन्या भावनांची करू मोजणी

उरी वार केले कटाक्षातुनी, 

अशा लोचनांची करू मोजणी 

2.

भयाण  जीवन, भयाण वणवण

उदास हृदयी तुझी आठवण 

कफल्लकासम हिंडत असतो

उरात घेउन जखमांचे व्रण

उन्हाळ्यातहि भिजलेला मी

डोळ्यांमधला झेलुन श्रावण

तू नाही तर नाही काही

तहान नाही , नाही जेवण

या देहातुन, या श्वासातुन...

विरघळले हे तुझेच द्रावण

_________________________